رسالة الى حمادة بقلم ا/ شوقى صبيحى

حمادة حبيبى
اسمع يا ابنى لما ح أقولك قبل ما حد يزيد و يعيد لك
لازم تعرف ان انا عمك مش بمزاجك غصب عنك
قبل ما تكبر و تسوء فيها و تقطع كل علاقتك بيها
تنسى حبايبك تنسى قرايبك حتى الناس العايشين فيها
قصدى اكتبلك لأجل اقولك اوعاك تعمل زى ابوك او زى امك
بلدك امك فيها حبايبك جدو و تيته و عمو و خالو وكل قرايبك
اوعاك تسمع حد يقولك عمو فلان قطع المية او بور ارضك
لاجل يبيعها او يبلعها او يلعبك
لا يا حمادة هازعل منك لما هاتسمع اى كلام لو من ابوك او حتى من امك
وبردة بقولك خليك فاكر ان انا عمك مش بمزاجك غصب عنك