يا خرابى على اللى هايعملوا فيه جوزى لما يعرف انى حرقت الرز

التار ولا العار

يا سلااااام ع الكسل

اخر ماتش كورة هايلعبوه فى حياتهم

الحمد لله على السلامة

اخى و صديقى د./ حسام الخريبى الف حمد الله ع السلامة بعد العملية اكمل الله شفائك بإذنه تعالى و حفظك من كل سوء لأولادك و لنا انه على كل شىء قدير

الله عليكى يا شرم الشيخ

أصدقائى الاعزاء

نسيت اقول لكم على الرحلة اللى قمت بيها انا و صديقى العزيز الدكتور / رضوان غربة الى مدينة السحر و الجمال و مدينة السلام فى ارض الفيروز بسيناء مدينة شرم الشيخ حيث اننا ذهبنا اليها يوم 22/9/2010 وقضينا فيها 3 ايام

كنا بصحبة د / محمود حنة و اسرته و د/ منصور المحلاوى و اسرته " واللى نزل حمام السباحة بموبايله و كاميرته الديجيتال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! وكانت ايام جميلة بجد كنا قاعدين فى فندق الجولف ماريتيم ورحنا خليج نعمة واتفرجنا على البلد الجميلة دى

نسيت اقول لكوا ان احنا رحنا بالطيارة و كانت اول مرة اركبها كانت زى العسل

ولعبنا فى حمام السباحة و ركبنا الزحليقة و كانت جميلة اوى و كان الدكتور رضوان هايغرق فى حمام السباحة لولا انا اللى لحقته بعد استغاثة من د محمود حنة و هوة بيقولى الحق رضوان يا احمد و انا قاعد ابص له و ميت من الضحك

و لعبنا كرة مية مع اولاد د محمود حنة " محمد و مصطفى " و كان يوم جميل لن ينسى

مشوار الاجازة

انا كنت منتدب الى الدقهلية وبعدين حصلت مشكلة ما بينى و ما بين مدير الطب العلاجى السابق - لا رحمة الله عليه امين - وتم الغاء انتدابى و رجعت لدمياط مقر عملى الاصلى و قررت ان اخذ اجازة و كان ذلك بدية مشوار العذاب
فقد تقدمت بطلب لمدير الشئون الصحية و لكنه قوبل برفض شديد بحجة ان حاجة العمل لا تسمح مع العلم اننا عشرة اخصائيين و نواب وبعتونى على مدير المستشفى و قالولى لازم يوافق عليها بعد ما نبهوا عليه انه ما يوافقش على الطلب مهما كان و رحت لمدير المستشفى الله يسامحه و قالى والله يا احمد احنا عندنا وفرة فى التخدير وسهل انى امشيك بس انا عبد المأمور ولازم الراجل الكبير - مدير المديريه - يوافق واخدت له وسايط كتييييييييييييييييييرة و كبيرة انه يوافق كان يبين لهم انه الموضوع سهل و بسيط وعادى جدا ولما اروح له الاقى حاجة تانية خالص
وبعد ما ضاقت بيه الدنيا قلت لازم اعرف الدنيا مشكلتى وقلت ابعت فاكسات الى كل مسئول فى الدولة لمن يهمه الامر و ساعدنى فى ذلك صديقى الصحفى البارز الاستاذ احمد فشير و قالى انا حاسس بمعاناتك والحمد لله لاقيت استجابة من ناس بيفهموا و قبلت الاجازة ولكن بعد معاناة شديدة و تحكم من الرؤساء فى العمل بدون مبرر او وجه حق
و اخيرا
يا رب كل اللى عطل الاجازة يجيله عطل كبيييييير ما يخلصش منه ابدا
وهمه عارفين نفسهم من غير ما اذكر اسماء
منهم واحد كنت فاكر ان احنا اصدقاء وهايساعدنى ولكن..............

اخدت الاجازة

وحشتونى كتيير اوى اوى يا اصدقائى
اما انا هاحكى لكوا على اللى حصل لية فى الكام شهر اللى فاتوا عشان تعرفوا مأساتى و اد ايه انا اتعذبت
تابعونى

من انواع الناس

النوع الاول

هناك من يحبك بجنون ويسعى جاهدا لاصابتك بهذا الجنون ولايستوعب رفضك لمشاعره بهذه السهوله فيحاصرك بسيل من المشاعر اللامرغوبه ويمارس عليك الغيره غير المباحه فيكتفي بحبه لك ويحملك جميل هذا الحب ويجب لزاما عليك ان تحبه والا نعتك بصفات مرفوضه انسانيا

النوع الثاني

النوع الثاني هو من تحبه انت بجنون فيكون مصيبتك العظمى حين يدرك حجم هذا الجنون فيتفنن في ايذائك وكانه ينتقم منك لانك احببته فيتمادى في ايذائك ليذيقك مرارة حبك وافتقاده ويتمادى في الهجر والصد

النوع الثالث

هو من يحبك بصدق فيعاملك معامله الود يحبك بصمت ويحترمك بصمت ويتمناك بينه وبين نفسه يمنعه اعتزازه بنفسه من الاقتراب منك اذا كنت مشغولا بغيره فيكتفي با الحب من اجل الحب ويحتفظ بك صوره جميله في ذاكرته

النوع الرابع

هو من تحبه أنت وتبادله شعوره فيضمك إلى ممتلكاته باسم الحب يحاصرك بغيرته فيسجنك بدائرة الممنوعات يحصي عليك أنفاسك يحاسبك على أحلامك ويسلبك حتى ابسط حقوقك وهي التعبير عن شعورك تجاه الآخرين فتعيش في صراع دائم

النوع الخامس

هو من يغادر حياتك فيترك ورائه فراغا باتساع السماء فتحاول جاهدا ملئ الفراغ فتتعرف على من يستحق ومن لا يستحق وتقع في المشاكل

النوع السادس

من يجعلك تندم على معرفته فيسقيك الاحساس باالالم والندم معا مواقفه تخذلك وتصرفاته تخجلك

النوع السابع

هو من يطيل الانتظار أمام بوابة أحلامك وإذا سمحت له بالدخول عاث في مدينة أحلامك وشوه اجمل الأشياء بقلبك وتركك نادما على معرفته..

النوع الثامن

هو من يدخل حياتك بلا استئذان يقدم لك الحب فوق اوراق الورد يحملك اليعالم الاحلام يحول حياتك الي عالم الخرافات والاساطير يشعرك بمسؤليته تجاهك وانك مسوؤل منه يعلمك الصدق والحب والاخلاص يحول سوادك الي بياض وليلك الي نهار وظلمتك الي شمس يصبح قلبك الي تعشق به وعينك الي ترىبها هذا الانسان اذا ضاع بحق نبكيه بحرقه

عدت يا يوم مولدى

على فكرة يا جماعة

انا عيد ميلادى الجمعة اللى جاية الموافق 4-6-2010

دى صورتى و انا عندى 3 سنوات

شوفوا الزمن بيجرى ازاى

نكت عجبتنى يارب تحبوها

واحد بيسال شيخ لو شوفت اسد وانت بتصلى تكمل ؟ قاله لو فضلت على وضوئى اكمل

جماعة بلدياتي قاعدين في خيمة وعاوزين يولعوا عشان يطبخوا
بعتوا واحد يجيب كبريت خرج من باب الخيمة ودخل من الباب اللي ورا
قالهم عندكوا كبريتقالولوا اقعد بعتنا نجيب

هذا حبنا

هذا حبنا ... حبٌ لم يخلق الرحمن مثله في العالَــم

هذا حبنا ... حبٌ لا يستطيع تفسيره أيُّ عالِــم

فأنا أتحدى قيس وليلى و العاشقين

لأن قصة حبي فوق خيال المتخيلين

مهما كتبت في قصيدة حبي من كلام الهيــام

فمضمونها لايصف شيئاً عشته في هذا الغــرام

فليقرأ العاشقين صفحة قصيدة حبـي

وليلحن الملحنين على وزن عشقـي

وليتمعن الأطبـاء في نبضات قلبـي

ولن يسير الجميـع الا على دربـي

حاسب!!!!

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

احلى سلااااااااااام

ارسل احلى مليون سلام للدكتور / عبده البلقا اخصائى الباطنة و امراض القلب و الرعاية المركزة بالكويت اللى شرفنا بدخوله على الموقع و نقول له وحشتنا

الف مبروووووووووووك يا قيرانى...........

الف مبروك للدكتور/ محمد السيد الايرانى على حدثين مهمين
الاول ان ربنا رزقه بطفل جميل اسمه يوسف ( ربنا يخليه له )
الثانى بمناسبة افتتاح عيادته الجديدة ( نسا و توليد ) بجوار مسجد الجرايحى

ارض الفيروز ........ سينــــــــــــــــــــــــــــــاء

يوم الجمعة الماضى الموافق 21-5-2010 قمنا بزيارة ارض سيناء و بالتحديد مزرعة د / خالد الصياد وكنت بصحبة الدكتور/ رضوان غربة و اولاده احمد و لولى والدكتور/ احمد الحسينى و ابنته نور و الدكتور/ هشام زين الدين و ابنته انجى وقد قضينا وقتا جميلا هناك و تجولنا بانحاء المزرعة و شاهدنا اشجار الخوخ و البرتقال و المشمش و الجوافة ثم تناولنا و جبة الغذاء وهى عبار عن ارز و سمك و سلطة ( انا اللى عاملها بايدى ) و فطير ذرة و بعد كدة اتحلينا خوخ و عصير مانجو بتاعة د / رضوان و كانت متلجة ع الاخر و اصابع كل و اشكر او اصابع زوبة كما يسميها البعض و كانت فوق الوصف و الخيال و شربنا شاى و اتصورنا ثم بعد ذلك انتقلنا الى بورسعيد حيث جلسنا على الشاطئ حتى الساعة الواحدة صباحا وبعد كده روحناوانا رجعت على دمياط حيث مقر عملى بمستشفى دمياط التخصصى ويارب الرحلة دى نكررها كمان مرة لان الخروج من الحياة الروتينية اللى بنعيشها دى مهم جدا

ايه البق المسمسم ده!!!!!!!!!!!!!

يا سلام خوزة ماركة الدلو

صورتى وانا عندى 7 سنوات

أنا شاب لكن عمري ألف عام

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي

طظ......

عزيزى قارىء هذا الموضوع........ طظ

وايه يعنى عادى جدا

وبعدين تعالى هنا انت زعلت ليه؟ هو انت عارف اصلا معنى كلمة طظ عشان تزعل ؟

وانا طبعا ميرضنيش زعلك منى وعشان كده هقولك معنى كلمة طظ ايه واليكم القصة

( طظ ) كلمة تركية و معناها الملح (ايون ملح شفت بقى ) , و بيقولوا أن الحكومة العثمانية كانت تفرض ضرائب على التجار في كل البضائع باستثناء ( الملح ) ، فكان التجار العرب إذا عدوا من عند المفتشين الأتراك يقولوا لهم ( طـظ ) يعنى مش معانا غير ملح ( و الملح زى ما قلنا مكانش عليه ضرائب ) .

و شويه شويه بقى التجار يقولوها بهدف السخرية من المفتشين الأتراك . وبالتالى بقت الكلمة لها معنى سيئ مع انها هي في الأصل ملهاش إلا معنى واحد بس ( ملح ) !!!تقبلوا تحياتى

الله الله

د ./ محمود حنة فى شاطئ عجيبة








د./ رضوان غربة فى حمام كليوباترا

بورتو مارينا

على فكرة

انا سافرت الى بورتو مارينا يوم الخميس الماضى. المسافة حوالى 350 كم

والقرية السياحية دى جميلة جدا وكأنها قطعة من الجنة انصح كل من يريد ان يرفه عن نفسه و ينسى الدنيا ان يذهب الى هذا المكان الجميل

انا سافرت بصحبة الدكتور رضوان غربة " ونعم الصحبة " وسافرنا انا وهوة و د./ محمود حنة الى مرسى مطروح ورحنا الى شاطئ عجيبة و حمام كليوباترا و كانوا مستمتعين بالمكان اوى اوى

قبلت الرسالة

بهذه الكلمات القليلة انهت أ د/ هالة امين أستاذ التخدير و الرعاية المركزة بطب عين شمس يوم الاربعاء الموافق 7/4/2010 رحلتى مع الرسالة وموضوعها التخدير فى مرضى الشلل الرعاش وقد تمت المناقشة فى جو من الهدوء و السكينة و ابدى المناقشين تقديرهم للمجهود الذى بذل فى الرسالة و قد أعربت أ د/ هدى الصواف استاذة التخدير و الرعاية المركزة بطب الازهر بنات عن تقديرها للرسالة و قالت بالحرف الواحد " انت رسالتك اتمتعت بيها اوى وخلتنى احس بالعيانين اوى ... )
فالشكر كل الشكر للدكتورة هدى الصواف و كذلك الدكتورة هدى عمر
و الشكر للدكتورة هالة امين على مجهودها العظيم معى فى هذه الرسالة
و الشكر كل الشكر للدكتور / وليد أحمد منصور مدرس التخدير بطب عين شمس على المجهود العظيم تجاه جعل هذه الرسالة تظهر بهذا المظهر الجميل و المشرف وعلى تقديره لظروفى فى السفر وعلى تشجيعى دائما

معانى تستاهل انك تقراها

الابتسامة

أقدم وأسرع طريقة للمواصلات عرفها الإنسان واللغة الوحيدة التي تفهمها جميع الشعوب دون ترجمان

الشوق

معدن نادر يتمدد بالحرارة وينكمش بالبرودة

الأمثال

خلاصة تجربة قيدت ضد مجهول

الطلاق

شركة أفلست بعد أن نفذ رصيدها من العواطف

الخجل

فرصة نادرة تتيح للفتاة أن تبدو متوردة الوجه بدون استخدام المساحيق

الصدق

قارة لم تكتشف بعد

الشائعة

طائرة أسرع من الصوت

الأسرار

معلومات تبوح بها للآخرين ليقوموا باستغلالها ضدك عند اللزوم

الصمت

أروع حديث بين ألأصدقاء

المنافق

كائن يمدحك في ضجة ويخونك في صمت

الإنسان

كائن من التراب خرج وعلى التراب عاش ومع التراب تعامل وإلى التراب سيعود

القلم

القوي الذي يتكلم وينطق نيابة عن لساننا الضعيف

الكلمة الطيبة

الجسر الرقيق الذي يصل بين قلوب الناس فوق بحر الأنانية

الحياة

عبارة عن سفينة شراعها الأمل ووقودها العمل

الغضب

الريح التي تهب فجأة فتطفئ سراج العقل

الصداقة

عبارة عن صفقة تجارية رابحة بين قلبين وروحين

الكرم

أحيانا يكون ضرورة دبلوماسية للتعامل بين الناس

الأمل

الشمعة التي تضيء لك دروب مليئة بالهم والحزن والرجاء والخوف

المتفائل

هي حديقة ورود بين أشجار الأشواك

المتشائم

الشخص الذي مهما أقنعته بجمال الوردة لا يرى إلا الشوك

الشرف

الشيء الوحيد الذي لا يجوز أن يفقده المرء أبدا ولو مرة واحدة

البلاغة

تعني أن تجيب فلا تبطئ وتصيب فلا تخطئ

العمر

ذلك الشيء الذي كلما طال كلما قصر

الحب

السحر الخفي لا يعرفه إلا المجربون وهو أجمل ما في الحياة

الحظ

عكاز الفاشل وسلاح المنتصر

الصبر

أسلوب مهذب من التحمل يمنع المظلوم أو المتضرر من الشكوى

الزمن

قطار سريع من المستحيل توقفه

الضمير

إشارة حمراء توقف الإنسان أمام نفسه ليصدق معها ولو لحظات

الأم

هي المخلوق الوحيد الذي نجده أمامنا في الحياة صادقة الابتسامة رقيقة الغضب

الساعة

حكيم يصرخ بنا ويقفز أمامنا كل ثانية ونحن ننظر إليه بنفوس محملة بالنعاس

الوداع

كلمة لا بد منها ولكن ما أسهل قولها وما أصعب سماعها

على فكرة

الدكتور رضوان على فكرة مسافر يوم الخميس ان شاء الله الى بورتو مارينا

يا رب ينبسط هناك

ادعوا لى

على فكرة انا مناقشة رسالة الماجستير بتاعتى يوم الاربعاء القادم الموافق 7-4-2010
اسألكم الدعاء و الثبات عند السؤال